Цел – Хируршко зголемување на величината на градите, со пласирање на импланти со силиконски гел. Ова е најчестата и најлесната естетска корекција на гради.

Оперативна техника – Имплантите се пласираат најчесто преку рез на долниот раб на брадавицата со должина од неколку центиметри, така што е скриен и неприметен за да се постигне максимален естетски ефект потоа. Се пласира под жлезденото ткиво,под фасцијата од градниот мускул ( субмамарно), или под пекторалниот мускул (субмускулно, субпекторално). Постои и пристап преку инфрамамарната линија или преку пазувната јама или преку папокот кај пациентки со послабо развиени гради или на специјално барање.

Време траење на интервенција и тип на анестезија – Интервенцијата трае од 1 до 1.5 часа и се извршува во општа анестезија.

Опоравок од интервенција – Враќање на вообичаените секојдневни активности после неколку дена, конци се вадат после 9 дена, и по интервенцијата пациентката е задолжена да носи спортски градник 2 месеца ,со поштеда од физичко вежбање.

Компликации – во многу мал процент може да се јави краткотрајна намалена или зголемена осетливост на брадавките, мал оток и црвенило кои се повлекуваат најкасно за 2 недели.

Аугментација на гради би била добра опција за вас:

• Доколку сте физички здрави
• Имате реални очекувања
• Не сте задоволни со нивната форма или големина